Mookgopong, Limpopo, Afrique Du Sud

Pragtige 3-Slaapkamer Huis in Die Oog Aftree Landgoed – ’n waarborg vir Rustige Aftrede!

Hierdie netjiese, goedbeplande 3 slaapkamer, 2 badkamer huis in die gewilde Die Oog Aftree Landgoed bied alles wat jy nodig het vir 'n gemaklike en sorgvrye aftrede.
Die huis is ideaal vir diegene wat bietjie wil afskaal, maar steeds ruimte en leefgerief verlang. Die lieflike tuin is ’n ware paradys vir die kranige tuinier – hier kan jy na hartelus plant, snoei en spog met jou groen vingers! Die patio met ingeboude braai, wat uitkyk oor die tuin, is perfek vir rustige oggende met koffie of gesellige kuieraande saam met familie en vriende.
Sodra jy van die toesluit motorhuis deur die hekkie stap, word jy verwelkom deur ’n oopplan kombuis, eet- en sitkamer area. Groot skuifdeure laat natuurlike lig instroom en lei jou direk na die patio en tuin – die ideale binne-buite leefruimte!
Die uitleg is prakties:
• Gastekamer 1 is aan die linkerkant van die gang,
• Gastebadkamer aan die regterkant,
• Gastekamer 2 volg aan die linkerkant,
• en aan die einde van die gang is die ruim hoofslaapkamer met sy en-suite badkamer.
Al drie slaapkamers spog met groot vensters wat uitkyk op die netjies versorgde tuin, wat aan die huis ’n rustige en natuurlike gevoel gee.
Hierdie huis kom boonop met 9 sonpanele, 2 batterye van 11Kv, en ’n inverter (5Kv)– vir daardie gemoedsrus wanneer die krag af is. Daar is ook ’n bystand 190 lit watertenk vir ekstra gerief. Nog 'n gerieflike byvoeging is 'n 200 liter Solar Geyser.
Gevestig in ’n stil gedeelte van die landgoed en uitstekend geleë, is hierdie eiendom ’n seldsame aanbod teen ’n mededingende prys.
Moet dit nie misloop nie – eiendomme soos hierdie is skaars! Kontak ons vandag om jou plek in hierdie vreedsame aftreeparadys te bespreek!